top of page
  • Zarianni Larmonie

Con Pa Reach Turista Riba Facebook den 6 Paso


Strena Creatives Logo

Nos tur sa con dependiente nos economia ta riba turismo. Casi tur compania na Aruba ta wordo directamente of indirectamente afecta door di nos turismo, y hopi di e companianan aki ta depende riba nos bishitantenan como nan cliente principal. Esaki ta presenta un challenge na tur persona den marketing pa yega na e turistanan y atrae nan como cliente.


Facebook tabata ofrece e opcion pa crea un target audience cu ta consisti di hendenan cu ta bishitando Aruba actualmente. Pero di un dia pa otro, e opcion aki a wordo desactiva. T'e ainda, e compania Meta no a saca un anuncio cu ta splica e decision aki. Ta posibel cu no tabata tin suficiente hende haciendo uzo di e feature? Meta por ta trahando riba un feature nobo cu ta haci e proceso mas facil? Esey nos ta puntra nos mes ainda. Pero locual si nos sa, ta cu e decision a afecta hopi hende cu nan actividadnan di Digital Marketing na Aruba, mirando con nos tur ta den un careda pa yega na e turistanan prome.


Pues, e challenge a bira mas dificil ainda! Pero na Strena Creatives, nos ta kere altamente cu cada challenge ta presenta un oportunidad. Den e caso aki, e oportunidad tabata pa pensa untiki mas creativo y haya un manera pa toch sigui utilisa Facebook, cual ainda ta e plataforma di medionan social #1 riba nos isla y rond di mundo, pa atrae Aruba su bishitantenan na companianan local.



PASO 1:

Click pa boost bo post.



PASO 2:

Selecta un di bo broad audiences pa edit.



PASO 3:

Elimina e location, pa motibo cu Facebook ta automaticamente agrega +25 miles, cual ta demasiado distancia pa un isla asina chikito. Dependiendo di unda bo ta localiza riba e isla, e distancia grandi aki por hasta yega Venezuela.



PASO 4:

Zoom in riba e mapa t'e ora bo yega Aruba, y drop un pin net riba Noord.



PASO 5:

Cumpliendo cu PASO 4 lo permitibo pa reduci e distancia mas ainda pa asina bo por concentra bo promocion den e area di Noord. Pa motibo cu mayoria di turista ta sea keda of keiro na Noord, nos kier pone mas enfasis riba e area aki.



PASO 6:

Den 'detailed targeting', skirbi y selecta e behavior 'lives abroad'. Esaki ta subi e chance pa laga bo promocion yega na un turista embes di un local.



EXTRA TIPS:

  • Bo por sigui ahusta e demograficonan manera bo ta desea, incluyendo edad, genero, interesnan, etc.

  • E audience aki por inclui personan local cu ta cu vakantie na Aruba, of personanan cu a bin biba back na Aruba pero no a update nan Facebook settings ainda. P'esey nos ta enfoca mas riba e area di Noord unda tin un trafico mas constant di turista.

  • Tene na cuenta cu e settings aki lo reduci bo audience size drasticamente. Esaki ta nifica cu bo por uza un budget chikito pa boost e post. Pero si bo tin un budget grandi y bo kier yega na mas hende, hunga cu e settings t'e ora e yega e audience size cu bo ta desea. Por ehempel, bo por haci e distancia den miles mas grandi pa e no ta solamente den Noord.

  • Con bo sa si bo budget ta adecua pa e audience size? Facebook semper ta bay bisabo cuanto hende bo por reach pa dia cu e budget cu bo tin, esaki ta bo estimated reach, semper compara e cifra aki cu bo audience size. Si bo estimated reach ta hopi mas grandi cu bo audience size, baha bo budget OF expande bo audience (haci'e mas broad). Si bo estimated reach ta hopi mas chikito cu bo audience size, hisa bo budget OF reduci bo audience (haci'e mas specifico).

  • E boosting settings ta solamente e comienzo, lo mas importante ta e tipo di contenido cu bo ta crea cu al final lo atrae hende na bo compania.


Ora di haci marketing riba un isla chikito manera Aruba, nos mester tuma un diferente ruta pa yega na nos metanan. E no ta mesun cos cu ora di haci marketing na paisnan mas grandi, es decir cu no ta tur e guianan cu nos ta mira of lesa online ta valido pa nos na Aruba. Nos populacion ta mas chikito, nos target audiences ta diverso, y nos hendenan ta pensa diferente. Esaki kiermen cu nos mes tincu crea nos mesun ruta!


Na Strena Creatives, nos ta specialisa den 'Island Marketing', luchando pa descubri con nos marketing na Aruba ta diferente cu otro paisnan, y kico exactamente ta traha miho riba nos isla. Nos ta yuda companianan di chikito pa grandi yega na nan metanan digital. Esaki ta inclui Facebook & Instagram Advertising, Google Advertising, Social Media Marketing, y hopi mas.


Pa mas tips local, of pa mas informacion tocante Strena Creatives, por follow nos riba Facebook, Instagram, LinkedIn, of bishita nos website www.strenacreatives.com.



Nos a compila tur e informacion di e blogpost aki den 1 video si bo ta desea un splicacion mas visual y interactivo.

Strena Creatives - Taking the World by Storm

151 views

Kommentare


bottom of page